2007/9/1

9月1日

終於搞掂啦

已經選好科啦,雖然只能修6科,不過都算吧!!別強求...

 剛才接到托兒所打電話來,話有位早班的同學退學了,終於有位啦....

峻峻同媽咪一樣九月三號就開始返學啦....

真係開心...希望峻峻都開心.

因為轉左早班,所以我每日都可以親自接送峻峻去托兒所.

係聖安東尼托兒所呀,那裏的老師很親切友善,峻峻都聽得明外籍老師的話....(上次參觀時)

不過一次要交一期的托兒所費,很貴呢......

現在要儲定錢交明年的幼稚園費.昨天上教青局的網查詢幼稚園的學費,發現都幾貴.

雖然澳門依家連幼稚園都開始免費教育,

但係好多學校都冇入網架,例如培正,聖若瑟,永援等...

所以一樣都要比學費,我想峻峻入讀的那間幼稚園,由K3開始至小六才是免費,

而K1和K2每年學費加雜費都要差不多三萬,

至於其它一般的幼稚園,都要萬五蚊左右.

可能言之尚早,希望峻峻將來可以開開心心咁讀書.

----------------------------------------------------------------------------------------------------------------

最近峻峻好鐘意講野,

如果你問佢叫乜名,佢會答:峻.

如果你問:what's your name?佢會答:Mark.

爸爸笑住咁話,峻峻幾時改左個英文名架?媽咪答:係峻峻自己幫自己改的.

見到街邊的花時,會叫"花花",如果朵花係白色,佢會叫"白白".

如果朵花係紅色,佢會叫"red".

行街時,見到D車駛過,佢會指住架車,大叫"car".

沖涼時,想拿隻玩具杯來玩水,會叫"cup".

每次見到舅父,佢會叫"父父".

見到公公,會叫"喳喳".吾知點解峻峻將公公叫成喳喳,無論點樣教佢,都改不了.

當然...........還有很多.不能盡錄.

佢見到靚女,會叫姨姨;見到男人,會叫"伯伯".都算有禮貌.

如果你送禮物比佢,佢會大聲講謝謝.

如果你欺負佢,佢會大叫媽媽.

如果佢想行街街,就會大叫爸爸,仲會指住隻門,叫"街街".

如果佢想小便,會叫"shi shi",想大便,會拍個肚腩,叫"吾吾".

總之, 一句講曬,峻峻越來越得意....仲好鬼馬.

如果見你悶悶地,佢會整蠱做怪,例如拉低條褲,露半個patpat比你睇下,

跟住你大笑,佢又會怕醜,拉高返條褲.

真係好鬼底死......