其實選擇這所學校的原因有3㸃：
1.教育方針：快樂地學習，以活動式教學，不是傳統的填鴨式教育。
2.教學語言：雙語教學，英文和普通話，英文老師多數是菲律賓籍，普通話老師是台灣人。
3.免費教育：不用交學費，可減輕父母的財政負擔，相比其他國際學校，每年要交七萬的學費。
由於沒有讀夏令班，所以9月1日才是返K1的第一天，說說第一週上學的情況：
星期一：開學禮，說要8：30半到禮堂，可是由於塞車的原故，差吾多9點才到達，好在遲到的不止我一人，有很多人比我們更遲（這樣的想法不太好）。老師發給同學每人一半手冊和繳完午膳費後，不到10點就可以回家了。
星期二：第一天正式上課，8：50至3：00。今天由黑沙環坐2A到亞馬喇前地，再轉MT1過橋，很快就到達學校。柏霖不肯自己一個入課室，我跟工人姨姨陪他一陣，我先離開課室，工人姨姨同柏霖講： teacher will give you candy,所以佢好乖乖咁坐好，冇喊。由於母咪要返中更，接放學就交比工人姨姨。點知第一日返學，柏霖被鄰坐的同學仔抓了3條血痕，分別在鼻樑，眼角和頭髮，老師同工人姨姨解釋清楚，非常抱歉，希望吾好因為呢件事而對返學產生唔好的感覺。
星期三：今日親自接送，媽咪離開課室時，柏霖吾捨得，大哭了。到接放學時，他一看到媽媽，立即從椅子上跳下來，他的鼻上還有乾了的鼻涕，我問老師佢今日返學點樣，老師話：It's all right! 我就放心曬。柏霖仲話比我知今日學校有cookie食，好好味。
星期四：已經係第三日返學，每日早上校長都會在門口跟同學和家長聊天，增加溝通，柏霖一去到學校門口就大叫，我吾返學架，校長聽到，就笑住咁話，不如你去附近轉個圈，培養好情緒先入黎，柏霖好開心咁拖住我四周圍散步。一去到課室門口又大叫，我吾入課室架，學校姨姨聽到，就拖住佢只小手仔，同佢講，咁我帶你去遊戲室玩啦，佢好開心咁跟著姨姨走左。到接放學時，霖霖見到我同爸爸一齊，好開心咁一齊離開學校，去附近的M記食左杯雪糕。
星期五：又如常到達學校門口，柏霖又大叫，我吾返學架，校長笑住咁話，點解吾返學呀，我琴日見到你玩波玩得好開心，仲拿左個電話出黎，打開d相比我地睇，入面有好多小朋友的上堂照片，其中一張係柏霖玩緊一個比自己高的大波波。老師抱住柏霖入課室，他立即大哭，校長話，你放心，佢需要時間適應，佢喊一陣就吾喊，之後又會玩得好開心，我日日去課室都見到佢玩得好開心。
第一個星期的返學點滴，如果我依家吾寫底，下個星期已經遺忘了，點解沒有附上照片，因為只要一拿手機出來，柏霖就會搶住自己拍，哈哈！
（柏霖近照，攝於昨晚）
