音樂家與我

音樂家與我

   

一年一度的書展,明天就結束.(地點:理工體育館,日期:2/4至9/4)

今次的書展主題係"科學",但係ELSA沒有買到任何有關科學的書本,逛了一周後,終於選了一份禮物給峻峻:音樂家與我.

峻峻現在已經一歲四個月,在呢段時間,每當睡覺的時候,都會聽雷蒙拉普的音樂.真係幾好聽,其實我都係上網下載,然後燒成CD,因為買又要花錢.可以去以下的網站,看看有關雷蒙拉普的音樂介紹.(

http://www.greenmusic.com.tw/children.html)

不過,媽咪覺得應該比峻峻聽些古典音樂,音樂家與我這套碟,共有12只CD,包括許多名家的作品,而且只需480元,都算超值,但假如要下載,差不多一百多首歌,很浪費時間,所以決定買正版.大家可以去以下的網址,看看有關的介紹: http://www.gephk.com/cd09.htm

媽咪用左呢套碟兩日,每當食飯的時候就播,全家也在音樂的旋律中享受美食,又可以改掉食飯看電視的習慣,真是太好了.

很多書都說要讓小孩子多聽古典音樂,去訓練腦的什麼抽象(想象)力,雖然我吾知work吾work,不過盡管一試.

假如第日有成果,定告知各位.

Seekin姨姨買比我的波板糖

Seekin姨姨買比我的波板糖

Seekin姨姨來探峻峻的時候,買了一枝波板糖做禮物.

不過媽咪以為峻峻吾識得食,而且又怕含住糖會蛀牙,所以將枝糖放左入雪櫃.事隔已經好耐,耐到媽咪已經吾記得左個雪櫃入面有波柀糖的存在.

今日當公公打開個雪櫃的時候,峻峻又八掛,去睇下入面有乜野,竟然比佢發現左波板糖.佢迫公公幫佢打開,然後就吮呀,吮呀,第一次食糖糖,才知道呢個世界上有咁好味道的野食,因為媽咪平時好少比佢食甜食.

峻峻將支糖吮到實,完全吾放口,吮完上面,又吮下面,跟住又打橫吮,然後又打斜吮.最後吮到D口水流到成件衫都係,公公話啱啱先沖完涼,吾準食到成件衫都係,所以拿走了峻峻的糖,放番入雪櫃,結果就係:峻峻大喊特喊.媽咪淨係識得影相,其他乜都吾理啦......

枝糖好好味,係橙汁味...

要我將枝糖放番入膠袋,我死都吾制.

枝糖太大枝,我個口又太細個,所以塞吾入成枝糖.

我好用力捉實枝糖,因為我怕有人會搶走佢.

有錢仔= 住新屋

有錢仔=>住新屋

大家睇下:以下呢一間就係峻峻的新屋.都好豪華架.入面裝左好多鑽石(波波).

千奇吾好睇少呢間屋,係好珍貴架.因為係爸爸用荷包的錢買比峻峻的第一件玩具.

係吾係好難想象,峻峻個爸爸會買好多玩具比自己,包括PSP遊戲機,電單車,電腦,書架,全部都係貴嘢.但係連十蚊買一件玩具比個仔都吾捨得,因為佢認為小朋友係吾需要玩具的,更加吾應該浪費金錢買些無用的嘢...算吧!!ELSA吾會為呢D小事心煩,爸爸吾買,媽咪買咪得囉.

但係有一日爸爸竟然在新佰八伴買左呢間豪華別墅比峻峻,原因係特價品,只係九十九元,爸爸覺得好抵,而且體積大(大過媽媽買的所有玩具).

峻峻當然好鐘意,不過那時峻峻只有一歲左右,媽咪認為呢橦別墅太阻訂,沒位放(雖然可以接埋),加上又吾穩,一推就倒,所以就比婆婆收起放在床仔下面.直至昨日,媽咪將整套的廸士尼美語產品搬左出客廳,空出大個位置,剛好可以放呢件大型玩具.

媽咪用左一張棉被放在下面,吾怕撞到頭痛,又舒服好多.

依家峻峻一得閒就會去私人屋仔入面玩下波波仔,躲在入面,伸個頭出來望來望去.

我睇過有D書話,最好比小朋友用多個角度去睇呢個世界,會有幫助.例如,抱高小朋友,在高處望下,又或者騎係膊頭上面行街街,在屋仔入面向外望等....

吾知爸爸同埋媽咪幾時先可以有自己的物業,依家的二房一廳差不多要一百萬,就算做荷官,月入萬幾,都買吾起樓,希望政府新推出的"先租後買"政策,可以比我地一個希望,一家人住在一起.好期待呢一日快D來臨.當然吾係個個都可以伸請到,又話要根據收入......但係起碼係一個希望...

喂,邊個偷睇我呀??


訓得好舒服,真係要多謝媽咪張棉柀.

綠色麻瘋怪

   

綠色麻瘋怪

最近Elsa屋企多左位"綠色麻瘋怪",

他的特徵係:淨係鐘意食綠色的菜葉,除左用個口食之外,仲用埋塊面一齊食.

峻峻一直以來都很愛吃綠色的蔬菜,媽咪通常都會用剪刀剪碎D菜葉,然後混入飯中.平時峻峻食飯都係由媽咪餵,點知媽咪手腳慢,峻仔等吾切,自己用手拿來吃,整到週身都係,最好笑就係塊面,有好多綠色的一點點在塊面到,真係笑死人啦!!

吾知其他小朋友鐘吾鐘意食菜呢?(峻峻已經到左無菜不歡的地步)

食菜菜真係好有益架,可以通大便,應該仲可以美容,哈哈....

 

用spoon食,都食到邊身係.

合上眼食,特別滋味.

吾知仲有冇呢,吾夠喉呀!!MAMA.

其實我仲食到週地都係,希望婆婆吾好怪我...

家中拍的有趣相片

家中拍的有趣相片

有陣時,Elsa在屋企好得閒陪個仔玩,就會拿個相機出來,東拍一張,西拍一張,之後睇番自己拍的成果,都會對住D相笑.

同大家分享幾張有趣的峻峻相片:

1.坐車車,載cap,還要載黑超.

平時的峻峻係好討厭載帽,又吾肯載太陽眼鏡;雖然家中有兩部車,但係佢都吾多鐘意坐.不過,當他睇到電視機入面的卡通人物都係坐車車,載帽和黑超,他又立刻叫我幫佢載,仲好開心添,個樣真係笑死人,好似個......媽咪都吾識得形容啦!!

2.大家知吾知呢個細路仔做緊乜野呢?原來峻峻拿左舅父枝畫筆當鼓棍來打,將個雪櫃當成鼓,打得好粗魯,不過佢自己就樂在其中.媽咪覺得都幾危險,怕佢插親眼,所以平時好少比佢亂來.峻峻好鐘意將一樣物件當成另一樣物件來用,有時會將隻拖鞋當成電話,放在耳仔上面,同隻拖鞋傾計,一隻拖鞋落到峻峻的手上,就已經吾係一隻普通的拖鞋,而是一隻有電話功能的拖鞋.哈哈.

3.同爸爸一齊吃紫菜

峻峻每日都會吃一小包紫菜,已經成為了他不到缺少的零食之一,媽咪都吾知點解佢對紫菜情有獨中,平時比乜佢都吾食,睇佢細細粒就知.今日爸爸食緊紫菜的時候,峻峻又伸手話要,咁daddy梗係比個仔啦!睇下峻峻嘴邊一大片的黑色物體,原來係紫菜,真係偷食都吾識得抺嘴,為食貓.雖然峻峻同爸爸一樣都係單眼皮,但係對眼都好大,好精靈,個鼻同埋個嘴都好細.爸爸同個仔真係好似樣,daddy話個仔好似係佢的複製人.我聽到之後都吾知點回應才好!!

4.坐輪椅去街街

因為婆婆曾經中風,所以要坐輪椅.每次公公婆婆去街,都會推住輪椅.一出門口,峻峻就急不及待自己爬上輪椅,等婆婆.張椅好似好舒服喎!!

5.累了就坐低休息下

峻峻玩完玩具之後,很累,就坐在客廳和露台之間的門欄上,真係懶懶的表情,仲慢慢享受佢的下午茶(餅餅數塊),從來都沒有人教他坐在那裏,但他就是學會坐在那裏,可能高度合適,fit曬個PatPat仔.他還不肯除下帽子.吾知佢要戴到幾時呢??

大家如果想留言,又留吾到言,可以將留言send去我的e-mail那裏: ba30209@umac.mo

 

 

漁人碼頭一遊

漁人碼頭一遊

1.一起身,峻峻就爬去window,望出去,睇下街上的車車.佢一直以來都好鐘意望街景,望到吾肯走.

2.食飽早餐後,就坐巴士出發啦.睇下呢個小朋友,坐巴士都冇時定,用隻"金"手指,東指指,西指指,好八掛添!!

我睇書話:當一個BB識得用一隻手指指來指去的時候,爬行的階段已經結束,大腦的咁部分發育已經完成,進入另外一個階段.一般BB在一歲左右識得用手指指來指去,但峻峻就要一歲三個月才識,慢了點兒!!

3.終於到達漁人碼頭啦,一落車,竟然比峻峻發現媽咪個袋入面收埋左一枝益力多,大喊特喊話要,但係媽咪本來準備離開的時候才飲的,所以吾肯比峻峻飲.點知公公見到佢喊得咁慘,就比左峻峻飲,他立即停止喊,不用一分鐘就飲完整枝益力多.平時,峻峻每天都會飲一枝益力多,媽咪都吾知點解佢咁鐘意飲~吾知其他BB仔鐘吾鐘意飲呢?

4.經過一間毛公仔店,峻峻開心死啦.每個公仔,他都摸摸,抱抱,本來想跟他拍照留念,但不知為何不能在店裏拍照,那就替他在門口,隔著玻璃照了一張相.峻峻平時好鐘意攬住公仔吻一口,然後就丟在一旁,哈哈.

5.經過遊戲機店,峻峻立即露番兩手,希望第日吾好沈迷打機.因為佢爸爸好似個大細路咁,一得閒就機不離手.媽媽都冇眼睇.

6.峻峻學楂車,有板有眼架.吾會撞車架,大家可以放心.

因為媽媽好想今年暑假,可以坐私家車去黑沙游水,所以叫爸爸去學車,點知排期排到明年一月底,實在太失望啦!!如果搭巴士,可能要成粒鐘,咁不如吾去,巴士上空氣又吾好,又迫人.不過峻峻明天就要讀書啦,爸爸有私家車,就可以接送返學,比較方便.

7.母子合照.平時好少跟仔仔合照,因為媽媽負責拿相機,隨時影低峻峻的得意樣,所以少了好多同峻峻一齊拍照的機會.

8.峻峻好活潑,四處走來走去,又行上樓梯,又落樓梯.令公公好忙咁照顧住佢.可以睇下佢行樓梯的短片,佢一學識行之後,就好鐘意行樓梯,不過要人扶著,吾係的話會跌倒.

9.終於行到累,當然係訓覺覺豬.每次帶峻峻出街玩,佢都一定會訓覺.其實媽咪覺得漁人碼頭真係冇乜好玩,淨係得D建築物,D野食又貴到飛起,仲吾知新吾新鮮.一句講曬,漁人碼頭吸引吾到本地人!但係對於遊客,我就吾知啦!

10.所以,媽咪帶峻峻去左對面的新八佰伴,食mum mum,又便宜,又多選擇,峻峻就最鐘意中間的那碟飯.佢話好好味呀!!不過好味吾代表有益,可能好多味精,少食為宜.



11.結尾:漁人碼頭一遊,真係令到媽咪好累,而峻峻就好開心,每次出街峻峻都好開心,所以媽咪幾攰都會帶峻峻去多D街街,見識多D,聰明D.

叫"奶奶"

叫"奶奶"

首先請細心欣賞以下的短片,係關於峻峻學識叫"奶奶"的短片,由於峻峻由細個開始,媽咪已經教佢用BB手語去表逹佢想講的話,所以佢一直以來都係比較鐘意用手勢去同媽咪溝通,但由於前幾天峻媽生日,收到一本書(禮物),書中教媽咪如何誘發你的小孩說話,可以比一空的杯小朋友,然後誘發佢講"水",之後才倒水進杯中給他飲.我就立即試下,對峻峻講,你係咪想飲奶奶呀?如果係,要叫奶奶先有得飲喎,點知佢真係放棄左用手勢表逹,而大聲叫奶奶,之前佢係吾會用口講,淨係識得用手語表逹.峻峻發"奶奶"的音很準確,大家去片吧!!

回顧一下,峻峻的語言能力,未識講野時,多數都用手語表逹,但媽媽發現這樣會阻礙他的口語能力.他寧可用手勢,也不用口說,故媽咪轉了學習模式,改為引誘峻仔用口講話.因為手勢吾係人人識,除了媽咪之外,邊個知你想點喎!!但係語言就吾同,你一開口,全世界都明白你講緊乜,想點樣,應該比手語重要.

1.最早識講的字係:媽媽.我相信好多BB都一樣,媽咪咁重要,吾學識叫媽咪,梗係吾得啦!!峻峻半歲以後,開始識得叫媽媽,佢好識得呢個字的使用方法,有時我去廁所,將佢放在BB床,佢就會不斷叫媽媽,直至我出來抱他為止,他不肯比婆婆抱,他就是知道,只要叫媽媽,媽媽一定會來.可以睇下以下"叫媽媽"的短片.

2.第二個識講的字係:爸爸.在峻峻識得叫媽媽的一段時間後,爸爸聽見好生氣,點解我個仔吾識得叫爸爸架,咁之後,佢每次見到仔仔時,就話:叫聲爸爸先,一路行街街,一路同仔仔講,快D叫爸爸,隨時隨地都叫個仔講爸爸.終於在爸爸的強攻下,峻峻真係識得叫爸爸,當然開心死爸爸,但媽媽就有D吾開心,因為自從峻峻識得叫爸爸後,就好少叫媽媽.大家可以睇下"叫爸爸"的短片.不過可能太黑,聽下都好!!

3.第三個識講的字係:街街.在峻峻一歲之後,媽媽又要去返學啦!!將峻峻交比公公婆婆照顧,佢地好鐘意帶峻峻去街街,日日都去街街玩,咁講下講下,峻峻就識得叫街街.由於公公係返晚更,早上八時半放工回來,峻峻就立即對住公公話"去街街呀",佢真係識得連續咁講呢四個字,算係峻峻識講的第一句說話,但係公公話好累,吾想去,然後峻峻竟然訓左係個地上面扭計,大喊"去街街呀","去街街呀",點知比峻峻打動左公公,真係肯帶峻峻去街街.

4.第四個識講的字係:臭.可能媽咪平時成日講個"臭"字,會話臭腳,臭鞋,垃圾筒臭臭等,峻峻有時會用個鼻聞下只腳,然後笑著咁話臭,臭.有時又會指著個垃圾筒話臭,臭.好彩我吾講粗口,如果吾係,我諗峻峻都一定講粗口講得好叻.

5.第五個識講的字係:奶奶.之前都講左,就吾講太多.

6.其實峻峻仲識講好多野,例如識講"A"字,有時公公叫佢講ABC,佢就回應"A".有時佢玩緊架車仔,佢會笑笑口咁話"Car",不過吾識講個車字,淨係識講英文,可能在電視上學到的,吾係媽咪教的.佢仲識得講"馬馬",同埋"嫲嫲",可能同媽媽的音比較相似.有時我指著紅色問佢,係吾係"red"呀,佢就會大叫"叻叻",可能仲未發到呢個音,不過相似的音媽咪都接受架.佢平時仲會拿住個電話,自己同自己講野,好似真係傾緊電話咁,講一大堆BB話,無人聽得明,但係佢自己就好開心,可能係打電話問下爸爸放工味,幾時帶我去街街掛!!每當峻峻一發脾氣,就會好大聲好生氣咁講一大堆說話,好似講粗口咁,嚇親人地,哈哈,個個人見到都一定會笑佢.

語言的發展對一個小朋友來說真的很重要,但係我覺得手語對峻峻來說,變成口語的阻礙,所以我會暫停一下教峻峻手語,轉向誘發他用口說話.當然,每個BB的語言能力發展都吾一樣,正所謂一樣米養百樣人!!不能一概而論,只能選擇最合適的教法比仔仔.