愛貓之人~峻峻

愛貓之人~峻峻

我們家的樓下,有一間茶餐廳.(棠記)

以前,都有光顧過幾次.雖然速度快,但係質素同衛生就吾合格.

我記得有一次趕返學,買了件豬扒蛋治,點知食了兩淡,才發現塊豬扒是未熟透的,但沒辦法了,回去要求更換,一定會遲到,所以就拋進垃圾筒算啦!

有一次,點了一碗雲吞通粉,發現有一位樓面的清潔阿姨,放下地拖,除下手套,手也沒洗,就直接進去廚房幫手烹調我點的美食.由於廚房並沒有門,所以能直接看到裏面的環境.而且,根本沒有廚師跟清潔女工之分,那裏的員工,在空閒時就清潔,在忙碌時就煮食物.廚房中站著五六個中年女人,很混亂的樣子,好像打扙一樣,廚師是這樣子的嗎?

令我決定永不再光顧的原因是:這間茶餐廳養了一隻貓.原本這隻貓是關在門口的籠中,但是牠的體積越來越大,所以放了牠出來自由活動.有一次我路過,看見店門口有一個紅色的大膠桶,入面放滿了清水,還浸著米粉,這隻貓站了起來,伸頭進去桶中飲水.看到此情景,我心裏想,這隻貓並沒有拿牌,身上可以有許多寄生蟲,會不會將食物沾污?

當然,我本身都很喜歡養寵物,家中曾經養過金魚,鳥龜,倉鼠,天竺鼠,狗等.但是對於茶餐廳養寵物,就不是太贊成.

不過,每次和峻峻經過這間茶餐室,峻峻都要跟貓兒玩一會兒.峻峻還會扮貓叫,又會跟貓兒打招呼,說再見.看見貓兒跳高,峻峻開心到拍手歡呼.

至於峻爸,就不是太喜歡動物.我問過他,為什麼不喜歡寵物呢?峻爸就答:寵物很麻煩,而且又很臭.我以前家中也有一大堆貓,牠們身上總是有陣陣的怪味.而且養寵物要照顧牠的起居飲食,同養多個人沒有太大的分別.

拍了幾張峻峻跟貓兒一起玩的相片:

1.貓貓大特寫~

2.峻峻觀察著貓咪的一舉一動!

3.峻峻很懶,見到有櫈仔,就坐在上面.貓咪不斷在峻峻面前行來行去.

4.媽咪吾小心開了閃光橙,嚇親峻峻添!!sorry.

5.峻峻話太光啦!!令到我隻眼仔吾舒服呀!!

新裝修後的何東圖書館

新裝修後的何東圖書館

最近聽我姐說,何東圖書館新裝修,裏面大了許多,而且兒童圖書室入面有許多會發聲的大本故事書.上午11點,我就帶峻峻坐巴士去何東圖書館.看看到底有幾靚?

一進去,真是發現跟未裝入前比較,差別很大.

有四層,每層的功能和設施也不同.由於只有我一個帶著峻峻,而且峻峻又四處跑,所以只拍了第一層的兒童圖書室.

1.看,進入兒童圖書室的隧道多靚.

2.峻峻看見牆上的壁畫,很開心呢!

3.不用媽媽介紹,峻峻就自己打開有趣的圖書來看!因為平時峻峻都很愛去圖書館.

4.有各種各樣的圖書,毛公仔圖書,似乎是峻峻的最愛.峻峻平時很愛玩毛公仔呀!

5.這樣可以向上翻起的圖書,峻峻看了10分鐘.如果這本書要買,我想起碼也要二百元呀!來圖書館看什麼書也不用錢,環境又舒適.

6.峻峻對這些七彩的椅子,很感興趣.還把它們推來推去,坐完這張,又坐坐另外的一張,總之,每張都坐過.好似想試下邊張舒服D?

7.由於是早上的關係,並沒有太多的小朋友.看,牆上四處也畫上了美麗的圖畫,甚至在地上的某些角落,也貼上了魚魚貼紙.峻峻開心得大叫:魚魚,魚魚.

8.由於峻峻太興奮,媽媽把他帶到門外的噴水池邊玩.讓他冷靜一下.

9.峻峻變得有點不開心.離開了圖書室~

10.峻峻一個人在散步,很悠閒!

其實何東圖書館位於澳門的崗頂,在新馬路巴士站落車,係民署門口同天使美容中心中間有條路叫:東方斜巷,一直沿行車方向上最上最上(最斜頂點個到), 望向左手邊會見到一區警署(即崗頂警署), 但唔駛行去警署個邊的, 望到有就岩啦, 斜巷既頂點會見到好有歐陸feel的地方, 直去有間歐陸式兩三層高既建築物就係啦.........

兩父子對戰"大富翁"

兩父子對戰"大富翁"

雖然峻爸的工作需要輪班,但係他說很開心,因為有時上午又可以同個仔玩,又時下午又可以同個仔玩,又時晚上又可以同個仔玩;吾似一般爸爸咁,返朝九晚五,回到家天已黑,吃完飯,都眼訓啦,邊有心情玩.

今日,爸爸帶左"大富翁"回家,同峻峻一起玩.

首先爸爸同峻峻講解規則,然後分派money,跟住就開始玩啦.

本來,兩父子都玩得好開心架.點知,後來峻峻貪玩將粒骰仔放左入口,爸爸好緊張,大叫救命,怕佢吾小心吞左入肚,然後強行張開峻峻的口,拿返粒骰仔出來;至放峻峻,就死都吾肯開心,仲大發脾氣.

媽咪都無眼睇,如果粒骰仔真係吾小心吞左入肚,真係好嚴重架.但係爸爸就淨係鐘意買D自己鐘意的玩具同個仔玩,都冇諗過安全的問題!!

不過無論玩什麼類型的遊戲和玩具,只要是跟爸爸在一起,峻峻都非常開心.

玩口水

                    玩口水

媽媽發現峻峻最近好鐘意玩口水,仲要一邊將D口水吐出來,一邊發出一連串的古怪BB話.

爸爸每次出街,都會將峻峻放在膊頭上,騎膊馬.咁峻峻就偷偷將D口水吐在爸爸的頭上,仲用隻手塗均勻.

媽媽偷笑地說,爸爸,你個仔用D燕萵幫你洗頭呀!

爸爸就話,衰仔,乜你咁核突架!!

好多泡泡在下巴上,極品燕萵,可當護髮素.

硬到好似橡皮的啫喱糖

              硬到好似橡皮的啫喱糖

峻峻: 我手上呢一堆紫色物體,原來係婆婆做的啫喱.因為媽咪在爸爸屋企發現左好多盒啫喱粉,所以拿左一份回來.但係媽媽要帶我去公園玩,吾得閒整,就交托比婆婆整.

兩小時後,回到家,打開雪櫃,比峻峻發現左啫喱的存在.見峻峻好似好想食咁,爸爸就試食一口.點知.......

爸爸話,呢D係乜野來的?好似橡皮咁的?

媽媽話,係你買的啫喱粉,可能婆婆怕太稀,加了魚膠粉掛?

我吾理得咁多,伸手要了一份.是只溶係口,吾溶係手的啫喱糖!都幾好味,我都食左好多.

食啫喱竟然可以用隻手拿起來吃,又吾怕整到周圍都係,真係神奇.

爸爸: D啫喱的味道都吾錯,不過比街上賣的啫喱糖還硬.(爸爸一邊踩D啫喱的質素,一邊大口大口地放進口)

          最後,半盒啫喱都入左爸爸的肚子裏.

好好味的星星餅

                                                           好好味的星星餅

峻峻: 今日,爸爸和媽媽經過BB用品店,買了一樽星星餅比我食呀!

          我第一次食星星餅,覺得真係好好味呀!以前爸爸媽媽都買過好多BB餅乾給我吃,不過我吾係好鐘意食.

          但係呢款的星星餅,一放入口,就很快溶化,不是很甜,而且是我最愛的星星形.

          我一打開蓋,食完一粒,跟位又即刻拿多粒來吃,之後,越食越瘋狂,四五粒一次過塞入口中,媽媽話我好似

          餓左十年咁喎!

          我一口氣,就食左五分之一樽星星餅,媽媽話我好厲害呀!第一次見我咁好胃口.

峻峻: 我食下食下,開始覺得有D飽,突然記得lion未食野,咁我就抱左佢出客廳,一粒一粒咁餵佢,

          lion食得好開心...

媽媽: 峻峻食飽之後,就雙手環抱住lion的頭,四處走來走去.

          睇下峻峻的嘴邊,咁dirty,係人都知你偷食完.

爸爸: 咁大樽星星餅,只係賣廿幾蚊,都幾便喎!!除左蘋果味之外,還有香蕉味.下次買樽香蕉味試下先得.

           (一邊說話,一邊將星星餅放入自己的口中)我見個仔食得咁滋味,我都要試下係吾係真係咁吸引先得!

刷牙

刷牙

峻峻好鐘意刷牙,每日都會用私人牙刷,左刷刷,右刷刷.

不過刷完之後,媽咪通常會再幫峻峻刷多次,保證乾淨.

睇下峻峻自己刷牙的短片:(半年前拍的-大約一歲兩個月)

 

三角底褲look

三角底褲look

夏天來了,峻峻好鐘意著住條三角底褲週屋走.

打開雪櫃見到入面有凍冷的飲料,立即插飲管來飲.

消暑解渴,一流!

瘦了許多的峻峻!

一口氣飲了半杯.

媽咪叫峻峻smile,佢就用隻手指插臉;無法啦,用左一隻手拿飲料.

希望峻峻食多D野,長肉D.

P.S 千萬別學我淨係著條三角底褲,搞到依家傷風.好辛苦,鼻塞.

與虎為友

與虎為友

上次和爸爸一起去玩具反斗城買玩具,通常每隔兩個月會去一次.峻峻自己選了一隻比自己還大的lion,那隻lion的特徵是:全身都是毛,軟綿綿的,雖然很大隻,但是卻很輕.

本來媽咪吾打算買這隻lion,因為峻峻係男仔,做乜買毛公仔喎!而且仲要$150元,梗係吾買啦,加上本身屋企都有吾少的毛公仔,不過體型較小.但係爸爸堅持話:你睇下個仔,對於其他玩具一D興趣都冇,淨係鐘意隻lion,峻峻攬住佢幾開心,我地差吾多來了半個鐘,峻峻就攬實吾肯放手,你選的玩具峻峻都未必一定鐘意玩,既然佢咁鐘意,不如買比佢啦!

真係一言驚醒夢中人,我選的玩具真係我的兒子想要的嗎?為什麼兒子想要的玩具,我卻不肯買給他?

被爸爸說服了,就把這隻大lion買了回家.

峻峻與lion相處了近半個月,大家已經成為老友.無論食飯,睇電視,訓覺,飲奶,都要同lion一齊.有時峻峻會騎在lion上面,又時又會抱住lion,有時又會拖著lion條尾四處行,總之就是形影不離.

有一次,晚上睡覺的時候,峻峻突然起身,拖著媽咪隻手,行到去房門口,叫我打開房門,咁我梗係吾肯開門,因為已經到了睡覺的時候,我以為他仲想去客廳玩玩具,點知峻峻大叫大喊,發脾氣;那我沒辦法,便開門,(因為平時峻峻很少會有這樣的行為),原來峻峻記得lion在沙發上,忘記帶lion一齊去睡覺,立即抱住lion回到房中,乖乖睡覺.

就算飲奶食飯,峻峻都會預埋lion的一份.真係老友.

媽咪有時會諗,點解峻峻咁鐘意呢隻lion?可能係夠大隻,細路仔都係鐘意大件的玩具,最好大到自己抱不動.

我拍了一段短片:係峻峻好親熱咁攬住lion.

吾知其他小朋友鐘吾鐘意玩毛公仔呢?

 

修理椅子

修理椅子

今日下午,峻峻在屋企發現左一張迷你椅子,仲貪得意咁坐在上面;點知,由於峻峻太重,椅子承受不住,被他坐扁了.

媽咪見到張迷你椅子爛左,咁就去個工具廂入面拿hammer,用釘子釘實.之後,峻峻又有樣學樣,去拿自己的"玩具工具廂"中的膠製hammer,修理椅子.

睇下峻峻個樣,真係好認真的去維修椅子!!

等我整返好張椅子先!
應該從上面開始維修!
維修成功!!YEAH
安全起見,下面也要維修一下!!

之前,媽咪在玩具反斗城買左一盒"玩具工具廂"比峻峻,入面有膠造的hammer,電鑽(真係識得轉的,不過很安全),大型螺絲,士巴拿,夾.都只係幾十蚊.峻峻都幾鐘意玩,可能男仔都係鐘意扮修理工人!

好好用的馬桶

好好用的馬桶

在兩個月前(一歲半)峻峻開始吾肯被人抱著大便便,媽咪都吾知點算好.峻峻有時兩日才大便一次,很不健康.(正常的時候一天一次)

那時,媽咪打算買一個細馬桶比峻峻用,但又不知那款比較好,見到其他blog的媽媽介紹以下的這款馬桶,所以媽咪就買了一個回家.我記得好似係兩百元左右.(價格好似貴左D,不過只要諗住個馬桶應該可以用到三歲左右,自然要買一個耐用又舒服的)

使用初時,峻峻有點不習慣新馬桶,不過坐得咁舒服,造型又似成人的馬桶,峻峻用下用下,就習慣左使用馬桶大便便.

呢個馬桶還有播放音樂的功能,峻峻大完便後,便會自己去按沖廁的按鈕,就會播放動聽的音樂.(當然不是有真正的沖廁功能);其實還有另外一個功能,就是大完便後,會自動亮燈(因為有重量),但這個功能常常失效,不知是峻峻的便便不夠重量,還是其他原因.不過,一聞到黃金的香味,自然就知道已經大便了,無需什麼亮燈功能.

現在的峻峻,一歲七個月,每天一起床,就會去廁所除褲,大便便.由於峻峻係好動型,若要求他只坐在馬桶上,不要亂動,是很難的,所以要準備給他數樣玩具,一邊大便便,一邊玩.通常他一拉完,就會起身,不會再坐在馬桶上.

至於清潔,都算是很方便,從後面拉出一個小盆,便可將黃金倒掉,再用水清洗乾淨,然後抺乾,便OK了.通常峻峻一拉完,會立即將小盆拉出,交比媽咪處理.

這個馬桶最大的缺點是,不能收集男仔的小便.峻峻小便時,好像一條水柱向外射.最後,尿尿通常是在馬桶的前面,而非在馬桶內.實在很好笑!

--------------------------------------------------------------

要解決這個小便問題,咁一的方法就是使用小型廁板.將小型廁板放在成人馬桶上直接使用.媽咪在峻峻一歲生日的時候買了一個小型廁板,這個小型廁板是軟綿綿的,很舒服,前面還有一個小山丘狀的半球型,可以阻擋尿往外射,直接將小型廁板放在成人的馬桶廁板上便可使用,很穩固,用完後將小型廁板拿走,沖廁,便OK.

因為峻峻一天的小便次數實在太多,若用小馬桶來小便,每次用完後又要沖洗,很是麻煩.但若用小型廁板,小完便後,直接沖廁,真的很方便.

--------------------------------------------------------------

媽咪通常會將小馬桶放在客廳的沙發旁,以備不時之需.親友來訪時都會話:做乜吾將個馬桶放在廁所呀,咁核突.當然是有原因呀!有時峻峻一起床,吾肯去大便(一個月都有幾次),要立即走去客廳玩玩具.那我也沒辦法迫他坐在馬桶上,正所謂"牛吾飲水邊按得牛頭低".唯有將個馬桶放在最方便的位置,當峻峻急屎時,就用得著.

有時我要做part-time,吾得閒照顧峻峻,就交比婆婆睇住.有一天,回家後,婆婆告訴我:下午時,我在廁所幫隻turtle沖澡(這是媽咪的寵物),之後返到客廳,就見到峻峻自己除下褲,坐在小馬桶上大便.

--------------------------------------------------------------

點知峻峻要大便,或者小便?

每當峻峻一急的時候,就會跑去你面前,用雙手拍自己的肚皮三下,這是他自創的手語,代表要大便,或者小便.

--------------------------------------------------------------

仍然使用紙尿片

通常在家中,都吾會穿紙尿片,只係會著條底褲仔.有時,峻峻會尿濕褲子,因為掛住玩,連小便都吾記得左,便要用地拖拖乾D尿.(峻峻通常爭住拖地)

每次峻峻一尿濕褲子,就會自己立即除下褲子,然後跑去大人處報告,指住地上的尿,還立即跑去露台拿地拖.

臨睡前(午睡和晚上),會幫峻峻穿上紙尿片,因為他在睡醒時一定會小便,但卻不肯去洗手間,若不穿紙尿片,媽咪張床就會濕曬.

一出街,都會穿上紙尿片.

--------------------------------------------------------------

最後,吾知峻峻幾時可以介左紙尿片呢?通常小朋友幾大才識得自己上洗水間?

一邊大便,一邊玩.

點解呢張紙係件"t-shirt"的形狀?

比呢個小信封你,要吾要呀?