真係有D吾開心

本來諗住九月吾洗返工,應該可以多D時間陪個仔.

點知今日收到個上課時間表,逢星期一,二,四,五都要返朝九晚五,仲慘過返工.

死啦,咁邊個照顧峻峻呀??淨係得阿婆一個人,我怕佢搞吾惦.

所以打算比峻峻入讀早上的托兒所班,總比他待在家好.不過我仲未幫佢報名......依家心情好煩.超煩...(不過這間托兒所之前都帶峻峻去參觀過,峻峻好鐘意那裏的老師,玩得很開心)

因為時間太趕,乜都未準備好.金錢都係一個最大的問題,之前才交了萬多元的學費,如果報托兒所,一交要交一期,又吾係逐個月交...真係煩.

昨晚放工回家,我放晚上十點,回到家,已經十點半......一打開門,見到峻峻坐在門前的小櫈仔上,嚇了我一跳.問婆婆:佢做乜坐係到?婆婆答:峻峻話要拿張櫈,坐在門口,等媽咪返嚟喎!(婆婆話:峻峻好似有心靈感應咁,每到差吾多我收工的時間,峻峻就會在門口等我回家)

聽到婆婆的解釋,覺得很心酸,有點想哭的感覺.立即抱起兒子,回房食奶奶,訓覺覺豬.

每晚放工,都加快腳步回家,只要想起峻峻在家門口等我,呆呆的坐在櫈仔上,一動也不動,也不肯玩玩具,只是為了等我回家,真的很心痛.....峻峻就是很硬頸,一定要等到媽咪回家才肯去睡.

放心,再過多幾天,媽咪不用再返工,每天晚上一定準時九點鐘就一齊訓覺覺豬.

最近,要煩的事實在太多,已經沒時間更新blog.請見諒.不過我仍然有看其她blog友...只是沒時間留言.